Druga teniserka svijeta Amerikanka Koko Gof plasirala se danas u polufinale Rolan Garosa, pošto je poslije tri seta pobijedila sunarodnicu Medison Kiz 6:7(8), 6:4, 6:1.

Ona je pobijedila osmu teniserku na WTA listi poslije dva sata i 13 minuta.

U prvom setu viđena su po tri brejka na obje strane, pa se pobjednica odlučivala u taj-brejku, u kom je poslije velike borbe slavila Kiz 8:6.

Gof je u drugom setu tri puta oduzela servis protivnici, dozvolivši dva brejka Kiz i stigla do izjednačenja.

U trećem setu Gof je bila ubjedljiva i brejkovima u prvom, petom i sedmom gemu izborila polufinale.

U polufinalu, Gof će igrati protiv bolje iz duela Andrejeva-Boason.